Теннистен Майамидегі WTA 1000 санатындағы турнир жалғасын табуда. Өкінішке қарай, қазақстандық Зарина Диас екінші кезеңде жеңілді деп хабарлайды Egemen.kz Olympic.kz сайтына сілтеме жасап.
Әлемдік рейтингте 89-шы орында тұрған Зарина екінші айналымда швейцариялық Белинда Бенчичпен кездескен болатын. Кездесуде екі сет қорытындысы бойынша WTA рейтингінде 12-ші орындағы Бенчич жеңіске жетті.
Есеп - 6:1, 6:2. Кездесу 1 сағат 16 минутқа созылған.
Айта кетелік, Майами турнирінің бірінші кезеңінде Диас әйгілі Винус Уильямсты жеңген болатын.