Атырауда алдағы дүйсенбі, 29 наурызда сағат 00:00-де күшіне енетін жаңа қаулыға сәйкес, ашық және жабық базарлардың, сондай-ақ, сауда үйлері мен орталықтардыңжұмыс кестесі өзгерді, деп хабарлайды Egemen.kz.
Азық-түлік және азық-түлік емес жабық базарлардың күнделікті жұмыс кестесі сағат 09.00-ден 19.00-ге дейін рұқсат етілді. Ал, сенбі мен жексенбіде жұмыс істеуіне тыйым салынып отыр. Сондай-ақ, азық-түлік және азық-түлік емес ашық базарлар күн сайын сағат 09.00-ден 19.00-ге дейін, сенбіде сағат 09.00-ден 17.00-ге дейін жұмыс істейді. Тек жексенбіде жұмыс істемейді.
«Сауда үйлері мен орталықтарына (павильондар, бутиктер), сауда желілеріне, азық түлік емес дүкендеріне сағат 10.00-ден 22.00-ге дейін (толтырылуы объект сыйымдылығының 30%-нан асырмай, 1 келушіге 4 шаршы метрден кем емес)жұмыс істеуіне рұқсат етіледі. Оның ішінде орналасқан азық-түлік супермаркеттері мен дәріханаларды қоспағанда сенбі және жексенбі күні жұмыс жасауына тыйым салынады» делінген бас санитар дәрігердің қаулысында.