ВЛАДИМИР БОБРОВ – ПАРЛАМЕНТ МӘЖІЛІСІ ТӨРАҒАСЫНЫҢ ОРЫНБАСАРЫ
Парламент Мәжілісінің Төрағасы Орал Мұхамеджановтың жетекшілігімен өткен палатаның соңғы жалпы отырысында депутат Владимир Бобров Парламент Мәжілісі Төрағасының орынбасары болып сайланды.
Әріптестерінің қолдауына ие болған В.Бобров бұған дейін Мәжілістің Экономикалық реформа және өңірлік даму комитетінің төрағасы қызметін атқарды.
Дауыс беру рәсімінен кейін сөз алған В.Бобров өзіне сенім көрсеткен әріптестеріне ризашылығын білдіріп, тәуелсіз Қазақстанның өсіп-өркендеуіне қызмет ететінін мәлім етті, деп хабарлады Мәжілістің баспасөз қызметі.