Кеше Душанбе маңындағы жанармай бекетінде жергілікті уақытпен 19:30-да (Нұр-Сұлтан уақытымен 20:30) жойқын жарылыс болды. Жарылыстан 15 адам зардап шеккен, деп хабарлайды Egemen.kz
Душанбе маңындағы Зарафшон мөлтек ауданында орналасқан жанармай бекетінде жойқын жарылыс болды. Қызыл жалын бағанының биіктігі кем дегенде 50 метріне дейін жетіп, жақын маңда тұрған үйлер де зардап шеккен. Өрт сөндірушілер тілсіз жаумен бір жарым сағат бойы арпалысқан.
Жанармай бекетіне жақын жердегі жедел жәрдем бөліміне өрттен зардап шеккен 15 адам түскен.