Футболдан ұлттық құрамамыздың бұл жолғы қарсыласы – Мальта құрамасы, деп хабарлайды Egemen.kz ҚФФ-ның баспасөз қызметіне сілтеме жасап.
7 маусым күні Талғат Байсуфинов баптайтын Қазақстан құрамасы Аустрияның Вольсберг қаласындағы «Лавенталь Арена» стадионында Мальта құрамасымен жолдастық кездесу өткізетін болды.
Ұлттық құрамамыз 2003 жылы Валеттада жолдастық матч өткізіп, Мальта ұжымымен 2:2 тең түскен болатын.
Естеріңізге сала кетейік, 4 маусым күні Қазақстан құрамасы Приштина қаласында Косово құрамасымен жолдастық кездесу өткізеді.