Әлемдік экономика жаңа қатерге - демография мәселелеріне тап болды. Кейбір елдерде халық санының өсуі онжылдықта минималды деңгейге жетті, ал кейбір елдерде азаматтардың саны азайып жатыр, деп хабарлайды Egemen.kz Лента.ру сайтына сілтеме жасап.
Moody's рейтингтік агенттігінің сарапшылары халықтың қартаюына байланысты жаһандық ЖІӨ тек келесі бес жылда жыл сайын бір пайызға жуық жоғалтатынын атап өтті. Баяндамада Германия, Италия, Испания, Жапония және Оңтүстік Кореяда еңбекке қабілетті халықтың ең тез төмендейтіні атап көрсетілген. «Эксперт РА» рейтинг агенттігінің бас экономисі Антон Табах демография бәрінен бұрын Ресей экономикасының өсуін шектейтініне сенімді. «Moody's екі жол бар деп санайды: жекелеген санаттар арасында жұмыспен қамтылудың өсуі (ең алдымен әйелдер), сондай-ақ жұмыс күшінің жетіспеушілігін өтейтін технологиялық және инновациялық өрлеу», дейді сарапшы.
Бұған дейін сарапшылары кейбір елдердің экономикалық артта қалу себебін атаған. Олар әлемдегі бай елдерден айырмашылығы білім, адам капиталы жоғары еңбек өнімділігіне айналмайды деп санайды. Адам капиталы тиімсіз жұмсалады, дағдылар мен білімдер іс жүзінде қолданылмайды, демек, адамдардың оларды өмір бойы жетілдіруге ынтасы жоқ.