Грекияның Пелопоннес аймағының солтүстігіндегі курорттық қалалардың бірінің орманында алапат өрт шықты, деп хабарлайды Egemen.kz.
Курорттық аймақта бірнеше үй отқа оранды. Өртенген үйлердің нақты саны әзірге белгісіз.
Жергілікті биліктің хабарлауынша, жалын 10 шақырымнан астам аумақты шарпыды. Бейсенбі күні таңертең өрттен пайда болған түтін Афиныға жеткен. Полиция Магарон-Алепохори бағытындағы жолды жауып тастады. Тілсіз жаумен 182-ге жуық маман арпалысып жатыр. 62 өрт сөндіру көлігі, 17 ұшақ және үш тікұшақ жұмылдырылды.
Лутраки қаласының мэрі Георгос Гинис өрттің көрші Алепохори теңіз курортына қарай жайылып бара жатқандығын мәлімдеді.