Футзалдан 2021 жылғы әлем чемпионаты 12 қыркүйек пен 3 қазан аралығында Литвада өтеді, деп хабарлайды Egemen.kz Olympic.kz сайтына сілтеме жасап.
ФИФА жеребе тарту рәсімін жүргізді. Оның қорытындысы бойынша Қазақстан ұлттық құрамасы А тобына түсті. Қарсыластары – Литва, Коста-Рика және Венесуэла.
Қазақстан құрамасы төрткүл дүние додасына үшінші мәрте қатыспақ. Бұған дейін біздің футзалшылар Гватемала мен Колумбияда өткен әлем біріншіліктеріне қатысқан еді.