Иран астанасындағы мұнай өңдеу зауыттарының бірінде өрт шығып, кәсіпорындағы барлық жұмыс тоқтатылды, деп хабарлайды Egemen.kz.
Жапа шеккендер туралы ақпар жоқ. Өрттің неден шыққаны әлі белгісіз. Зауыт басшылығы өндіріс ошағына ешқандай қасақана әрекет жасалмағанын айтады. Қазір тілсіз жауды ауыздықтау үшін ондаған өрт сөндіру бригадасы жұмылдырылған. Оқиғаға қатысты тергеу басталды.