Атырауда танысының телефонын ұрлаған ер адамның бас бостандығы екі жылға шектелді, деп хабарлайды Egemen.kz.
Облыстық полиция департаменті баспасөз қызметінің ақпаратына сүйенсек, 37 жастағы ер адам танысының «NOKIA» маркалы телефонын ұрлаған.
«Жәбірленуші Махамбет аудандық полиция бөліміне арызданып, құны 25 мың теңге тұратын «NOKIA» маркалы телефонын біреу ұрлап кеткенін айтқан. Соңғы рет оның үйінде 37 жастағы танысы қонақта болыпты. Олар бірге ішімдік ішкен соң жәбірленуші ұйықтап қалған. Ал, күдікті азамат «ұялы телефонды ойнап алып кеттім» деп ақталып, келесі күні полиция қызметкерлері арқылы телефонды қайтарып берген. Тексеру кезінде күдіктінің бұрын да сотты болғаны анықталды. Сотталушының кінәсі сот тергеуінде зерттелген іс материалдарымен дәлелденді» деп хабарлады департаменттің баспасөз қызметі.
Күдікті ҚР Қылмыстық Кодексінің 188-бабымен (Ұрлық) кінәлі деп танылып, оған түпкілікті екі жыл мерзімге бас бостандығынан айыру жазасы тағайындалды.