«Қазгидромет» РМК ел аймақтарында дауыл болатынын ескертеді. Бұл туралы «Қазақстан» телеарнасы хабарлады.
4-5 қаңтарда Қостанай, Ақтөбе, Ақмола, Солтүстік Қазақстан мен Павлодар облыстарында, 4-6 қаңтар аралығында Қарағанды облысында, 5-6 қаңтарда Шығыс Қазақстан облысында ауа температурасының күрт төмендеуі күтілуде.Түнде температура 30-35 градусқа дейін, кей жерлерде 38-ге дейін, күндіз 23-28, кей жерлерде 31 градусқа дейін төмендейді.
4-6 қаңтарда Қызылорда облысында түнде 20-25, кей жерлерде 30 градусқа дейін, күндіз 15-23 градусқа дейін аяз болады. 5-6 қаңтарда Алматы, Жамбыл мен Оңтүстік Қазақстан облыстарында түнде 15-20, кей желерде 25 градусқа дейін аяз болады, күндіз ауа температурасы 10-15, кейбір жерлерде 18 градусқа дейін төмендеуі мүмкін.
Бақытбек Кенешұлы.
Дереккөз: «Қазақстан» телеарнасы
Фото: newskaz. ru