НАТО-ның бас хатшысы Йенс Столтенберг Альянстың Брюссельдегі штаб-пәтерінде Израильдің жаңа сыртқы істер министрі Яир Лапидамен кездесті, деп хабарлайды Egemen.kz НАТО-ның баспасөз қызметіне сілтеме жасап.
Столтенберг Израильді «Альянстың белсенді серіктестерінің бірі» деп атады.
«Израиль 20 жылдан астам уақыт бойы НАТО-ның маңызды серіктесі және Жерорта теңізі диалогының белсенді қатысушысы болды. НАТО мен Израиль ғылым мен технология, азаматтық төтенше жағдайларға дайындық және басқару, терроризммен күрес, жаппай қырып-жоятын қаруды таратпау, бейбітшілік пен қауіпсіздік сияқты түрлі мәселелер бойынша өзара байланыста», деді бас хатшы.
Кездесуде әскери технологиялар мен инновацияларды қоса алғанда, өзара қызығушылық тудыратын салалардағы ынтымақтастықтың болашағы талқыланды.