Бұл туралы Орталық коммуникациялар қызметінде өткен брифингте Сауда және интеграция министрі Бақыт Сұлтанов мәлімдеді, деп хабарлайды Egemen.kz.
«Мысалы, Alibaba платформасына екі жылда 100 тұрақты өндіруші орналастырылды. Қазақстанның «алтын аккаунты» құрылды. Алдағы уақытта қатысушылар санын 150-ге жеткізу жоспарланған. Бүгінгі таңда сауда көлемі шамамен 18 миллион доллар, бірақ бұл бастапқы кезеңде ғана. Тәжірибе жинаған соң бұл көрсеткіш геометриялық прогрессиямен өсуі мүмкін. Біздің тауарға сұраныс жоғары. Сонымен қатар мамыр айынан бастап Amazon платформасында арнайы опция ашылып, біздің сатушылар өз жұмысын бастады. WildBerries, eBay сияқты алаңдармен келіссөздер жүргізілуде», деді Бақыт Сұлтанов.