Алматы облысының бас мемлекеттік санитарлық дәрігерінің 15 шілдедегі «Құрбан айт мейрамын өткізу кезінде Алматы облысы тұрғындарының санитарлық-эпидемиологиялық салауаттылығын қамтамасыз ету туралы» қаулысы жарияланды, деп хабарлайды Egemen.kz.
Құжатқа сәйкес, COVID-19 коронавирус инфекциясының Қазақстан Республикасының аумағында, оның ішінде Алматы облысында жиілеуіне байланысты, сондай-ақ COVID-19-дың халық арасында одан әрі таралуын болдырмау мақсатында Алматы облысы Құрбан айт мерекесі кезінде 19 шілдеден 23 шілдеге дейін, 16 шілдеден бастап келесі шектеу шаралары енгізілді:
1) меншік нысанына қарамастан барлық ұйымдарда, сондай-ақ жеке үй шаруашылықтары мен мешіттерде адамдардың жаппай жиналуы сипатында іс-шаралар өткізуге тыйым салынады;
2) көлік құралдарында және жеке үй шаруашылықтарында мал сатуға тыйым салынады;
3) ветеринарлық қызметтің ресми ветеринариялық-санитариялық қорытындысын алған мал сою орталықтары мен учаскелерінде (ветеринария қызметі бекіткен тізімге сәйкес, мал сою орындары, аудандардағы алаңдар) малды союды және сатуды ұйымдастыру;
4) малды тек ветеринарлық сертификатпен жабық режимде, тек тапсырыс және үйге жеткізу бойынша жүзеге асыру, мал сойдыртуға адам келтірмей;
5) бүкіл облыстағы мал сою пункттерінде мемлекеттік ветеринариялық-санитариялық бақылау мен қадағалауды күшейту;
6) Qurban2021.kz веб-сайтына өтініштер бере отырып, құрбандық шалу (Құрбандық);
7) халыққа Құрбан айт мерекесін ұйымдастыру мәселелерін түсіндіру бойынша call-орталықтың жұмысын ұйымдастыру;
8) қажеттi мөлшерде тоңазытқыш жабдықтарымен, тоңазытқыштармен және жеке қорғану құралдарымен қамтамасыз ете отырып, тез бұзылатын өнiмдердi (құрбандыққа шалынатын малдың етi) мұқтаж адамдарға тасымалдау және сақтау жөнiндегi санитарлық-эпидемиологиялық ережелер талаптарын сақтау;
9) әкімдіктер жанындағы мобильді топтардың күшейтілген санитарлық-дезинфекциялық режимінің, эпидемияға қарсы режим талаптарының сақталуын бақылау.