Жақында елімізге Атлант мұхитының ар жағынан қуанышты хабар келіп жетті.
АҚШ-тың NEW YORK REALISM Fine Аrt атты Нью-Йорк Суретшілер одағының ұйымдастыруымен өткен «LYRICAL INSPIRATION» («Лирикалық шабыт») халықаралық Арт-жобасында біздің отандасымыз Талғат Тілеужанов «realism» санатында «Golden еagle» («Алтын қыран») алтын медалін жеңіп алды.
Жақында елімізге Атлант мұхитының ар жағынан қуанышты хабар келіп жетті.
АҚШ-тың NEW YORK REALISM Fine Аrt атты Нью-Йорк Суретшілер одағының ұйымдастыруымен өткен «LYRICAL INSPIRATION» («Лирикалық шабыт») халықаралық Арт-жобасында біздің отандасымыз Талғат Тілеужанов «realism» санатында «Golden еagle» («Алтын қыран») алтын медалін жеңіп алды.
Бұл жүлде қазақ суретшісіне «Биік шыңда» атты туындысы үшін табыс етілді. Мұндай жүлде АҚШ-та бірнеше жылдан бері «MFA» арнайы бағдарламасы бойынша қолданбалы өнер саласында еңбегі сіңген азаматтарға тапсырылып келеді. Осы байқауда Нью-Йорк Өнер академиясының өкілі, қазылар алқасының төрағасы Майкл Приттиман Талғат Тілеужановқа алтын жүлдемен бірге өзінің қолы қойылған сертификат пен көрменің каталогтарын табыс етті. Рәсімде әлемге танымал суретшілердің бірі М.Приттиман Нью-Йорк Өнер академиясының төрағасы және кескіндеме өнерінің магистрі ретінде қазақ суретшісінің өнеріне жоғары баға беріп, оның суреттері әлі де талай адамдардың қызығушылығын тудыратынын айтты.
Жалпы, осы байқауға 30-ға жуық елден 500-ге тарта суретші қатысты. Соның ішінде біздің суретшіден басқа АҚШ, Ресей, Финляндия, Израиль елдерінің өкілдері түрлі номинациялар бойынша жеңімпаз атанды.
Дастан Кенжалин,
«Егемен Қазақстан».