Токио Олимпиадасында теннисшілер бәсекесі басталды. Қазақстандық спортшы Михаил Кукушкиннің бірінші айналымдағы ойыны ойдағыдай өтті, деп хабарлайды Egemen.kz.
Бүгін Михаил Кукушкин аргентиналық Федерико Кориямен кездесті. Екі сетке созылған матч отандық спортшының жеңісімен аяқталды. Кукушкин 7:6, 7:5 есебімен келесі кезеңге аттанды.
Кездесу ұзақтығы 2 сағат 10 минутқа созылған.
Кезекті айналымда Кукушкин теннисші беларусьтік Илья Ивашкомен жарыс жолына шығады. Қарсылас тарап француз Гаэля Монфистен үш сетте 6:4, 4:6, 7:5 есебімен басым түскен болатын.