Бүгін, 12 тамызда UEFA Еуропа лигасы үшінші іріктеу сатысында алматылық «Қайрат» сырт алаңда Арменияның «Алашкерт» командасымен ойын өткізеді, деп хабарлайды Egemen.kz.
Кездесу елорда уақытымен 21.00-де басталып, «Qazsport» телеарнасынан тікелей эфирде көрсетіледі.
Еске сала кетсек, екі команда арасындағы алғашқы кездесу 0:0 есебімен аяқталды. Екі құрама 2015 жылы Еуропа лигасы екінші іріктеу сатысында кездескен еді. Өз алаңында қазақстандық клуб 3:0 есебімен жеңсе, сырт алаңда 1:2 есебімен есе жіберді. Нәтижесінде қазақстандықтар жарысты әрі қарай жалғастырған болатын.
Бірінші іріктеу сатысында «Қайрат» Израильдің «Маккаби» (Хайфа) командасын (2:0, 1:1) орта жолда қалдырып кетті. Одан кейін Сербияның «Црвена Звезда» командасына (2:1, 0:5) жеңілген болатын.