17-30 тамыз аралығында Біріккен Араб Әмірліктерінде бокстан жастар мен жасөспірімдер арасындағы Азия чемпионаты өтеді. Бұл туралы ҰОК баспасөз қызметі хабарлады, деп жазады Egemen.kz.
Құрлық додасында жалпы есебі 51 чемпионның есімі белгілі болады. Олардың ішінде 25 қыз, 26 ер бала бар.
Болжам бойынша, чемпионатқа ең көп делегацияны Қазақстан, Үндістан және Өзбекстан алып барады.
Одан бөлек, құрлық біріншілігі тарихында алғаш рет екі жас ерекшелігіндегі спортшылар бақ сынайды. Жастар арасында - 2003-2004 жылы туған спортшылар, жасөспірімдер арасында 2005-2006 жылғы боксшылар өзара мықтыны анықтайды.