Ресейдің Астрахань облысында МиГ-29 ұшағы апатқа ұшырап, ұшқыш қаза тапты, деп хабарлайды Egemen.kz.
Бұл туралы РИА Новости мәлімдеді.
МиГ-29 жойғыш ұшағы Ашулық полигонының аумағында оқу-жаттығу кезінде апатқа ұшыраған. Белгілі болғандай, оқ-дәрісіз ұшақ жоспарлы рейсті орындау кезінде құлаған.
Болған оқиға туралы толық мәліметтер әзірге белгісіз. Апат болған жерге Аэроғарыштық күштердің Жоғарғы қолбасшылығының комиссиясы жіберілді, ол ұшақ апатының себебін анықтайтын болады.