МӘЖІЛІС БЮРОСЫНЫҢ КЕЗЕКТІ ОТЫРЫСЫ

Кеше Парламент Мәжілісінің Төрағасы Орал Мұхамеджановтың жетекшілігімен өткен палата бюросының отырысында заң жобаларының дайындығы қаралды. Депутаттар жалпы отырыста екі заң жобасы бойынша қорытынды әзірлеу мерзімін айқындайтын бо­ла­ды. Атап айтқанда, еліміздің кей­бір заңнамалық актілеріне мем­ле­кеттік қызмет және сыбайлас жем­қор­лыққа қарсы күрес мәселелері бойынша өзгерістер мен толық­ты­ру­лар енгізу қажет. Бұл заң жоба­сы­на қорытынды әзірлеу үшін па­ла­таның Заңнама және сот-құқық­тық реформа комитетіне жіберіл­мек. Сол секілді Үкіметтің 2009 жылғы республикалық бюджеттің ат­қарылуы туралы есебі бойынша қо­рытынды әзірлеу міндеті Қаржы және бюджет комитетіне жүктел­мек. Ал кейбір заңнамалық актілері­не заңсыз жолмен алынған кіріс­тер­ді заңдастыруға (жылыстатуға) және терроризмді қаржыландыруға қарсы іс-қимыл мәселелерін қарас­тыратын заң жобасымен жұмысты жал­ғастыру жөнінде ұсыныс жасал­ды. Күн тәртібіне заңдарға транс­ферт­тік баға белгілеу және салық салуға қатысты түзетулер енгізуді көздейтін, сондай-ақ кейбір заңна­ма­лық актілерге өрт қауіпсіздігі, ұлт­тық қауіпсіздік мәселелері бой­ынша өзгерістер мен толықтырулар енгізу туралы заң жобаларына Пар­ламент Сенаты енгізген түзетулер жөнінде мәселелер енгізілген. Палата депутаттарының талқы­сы­на Қазақстан мен Финляндия үкіметтері арасындағы Табысқа салынатын салықтарға қатысты қо­сарланған салық салуды болдырмау және салық салудан жалтаруға жол бермеу туралы келісімді және оған Хаттаманы бекіту туралы заң жо­басы ұсынылатын болды. Сондай-ақ әуе кеңістігін пайдалану және авиация қызметі туралы, осы құ­жат­қа сәйкес кейбір заңнамалық актілерге қарастырылған түзетулер екінші оқылымда талқыға шыға­рылады. “Егемен-ақпарат”.