Бүгін Жамбыл облысындағы төтенше жағдай орнында тағы бір адамның денесі табылды, деп хабарлайды Egemen.kz ҚР Төтенше жағдайлар министрлігінің баспасөз қызметіне сілтеме жасап.
Жамбыл облысындағы өрттерді жою кезінде ҚР ТЖМ-нің 50-ге жуық қызметкері зардап шеккен болатын.
Қаза болғандардың арасында азаматтық қорғау органдарының қызметкерлері де бар.
1. Темірболатов Арнұр Серікұлы. Жамбыл облысы ТЖД "ӨСжАҚЖҚ" ММ Тараз қаласы 3-ӨСБ өрт сөндіруші-құтқарушысы;
2. Сандыбаев Елдос Қадырбайұлы. Жамбыл облысы ТЖД "ӨСжАҚЖҚ" ММ Тараз қаласы 3-ӨСБ аға-өрт сөндіруші-құтқарушысы;
3. Микропуло Александр Николаевич - жедел кезекші – Жамбыл облысы ТЖД "ӨСжАҚЖҚ" ММ Өрт сөндіру басшысының орынбасары;
4. Төребеков Тәңірберген Құдайбергенұлы. Жамбыл облысы ТЖД "ӨСжАҚЖҚ" ММ Тараз қ. 1-МӨСБ аға-өрт сөндіруші-құтқарушысы;
5. Айманов Мейіржан Какпосынұлы. Жамбыл облысы ТЖД "ӨСжАҚЖҚ" ММ бастығының орынбасары.
Үш адамның денелері белгісіз болып қалады. Жоғалған үш адамды іздеу жалғасуда.