Елордада «Байқоңыр» ауданының әкімі Нұрбол Нұрсағатов «Ұстаздар алаңы» саябағының құрылыс барысын тексерді, деп хабарлайды Egemen.kz.
Бүгінгі таңда «Байқоңыр» ауданы аумағында «Ұстаздар алаңы» саябағының құрылысы жүріп жатыр.
«Аталған саябақ А.Пушкин көшесі бойындағы Еуразия ұлттық университетінің аумағын қамтиды. Саябақты жайластыру барысында ашық ауада сабақ өткізу үшін Ашық аудитория аймағын, білім беру қызметкерлерінің құрметіне инсталяциялар, демалыс аймағын, балалар аймағын, спорттық - гимнастикалық аймақты орнату жоспарланған», делінген хабарламада.
Еске сала кетсек, қаладағы жаңа мешіттің айналасына үлкен саябақ салынбақ.