Әйелдер теннис қауымдастығы (WTA) рейтингінің жеке және жұптық разрядтағы жаңартылған нұсқасы жарияланды, деп хабарлайды Egemen.kz Sports.kz-ке сілтеме жасап.
Ең мықтылар үштігі өзгеріссіз қалды: австралиялық Эшли Барти көш бастап, оның артында белоруссиялық Арина Соболенко мен чех спортшысы Каролина Плишкова тұр.
Қазақстанның бірінші ракеткасы Елена Рыбакина 17-ші орыннан 16-шы орынға көтеріліп, жеке рекордын жаңартты.
Юлия Путинцева бес жолдан айырылып, 49-шы атанды. Ал Зарина Дияс жеті белгіге түсіп, 112-ші орында тұрақтады.
Жұптық разрядтың көшбасшысы Бельгиядан келген Элиза Мертенс болды, одан кейін Чехия өкілі Барбора Крейчикова мен Катерина Синякова. Анна Данилина 88-ден 86-ға көтерілсе, Рыбакина 96-шы, Дияс 181-ші болды.