Қазақстан армиясында ҚР Президенті – Қарулы Күштердің Жоғарғы Бас Қолбасшысының тапсырмасы бойынша жүргізілетін тексеру шеңберінде Каспий теңізі акваториясында Әскери-теңіз күштерінің корабльдік тобы әскери қауіпсіздікті қамтамасыз ету жөніндегі іс-шараларды орындады, деп хабарлайды Egemen.kz ҚР Қорғаныс министрлігінің баспасөз қызметіне сілтеме жасап.
Практикалық іс-қимылдарға «Қазақстан», «Орал», «Сарыарқа», «Маңғыстау» зымыран-артиллериялық кемелері, «Алатау» мина-тралдық кемесі, «Жайық» гидрографиялық кемесі, жылдам жүретін қайықтар мен катерлердегі жауынгерлік жүзушілер жасағы тартылды. Маневрлерге барлығы 600-ге жуық теңізші, оның ішінде мерзімді қызметтегі әскери қызметшілер қатысады.
Арнайы әскери операция барысында Каспий теңізінің қазақстандық секторында теңіз экономикалық қызмет объектілерін күзету және қорғау ұйымдастырылды, жағалаудағы құрлық әскерлерінің іс-қимылдарын қолдау қамтамасыз етілді. Плацдармды басып алу және оны отпен жабу үшін ату үшін тактикалық теңіз десанты қонды. Авиациямен, зымыран әскерлері және артиллерия бөлімшелерімен өзара іс-қимылда теңіз жағалауының десантқа қарсы қорғанысын ұйымдастыру жөніндегі міндеттер пысықталды.