Біріккен Ұлттар Ұйымының (БҰҰ) басшысы Антониу Гутерриш вакцинаның біркелкі бөлінбеуі коронавирустың жаңа штамдарының дамуына және әлем елдеріндегі экономикалық құлдыраудың жалғасуына әкелетінін айтты, деп хабарлайды Egemen.kz.
БҰҰ бас хатшысы әлем елдерін бірігуге шақырды, өйткені онсыз өлім санының төмендеуіне қол жеткізу мүмкін емес екенін айтты.
«Вакцинациядағы теңсіздік COVID-19 штамдарының дамуына және көбеюіне, өлім санының артуына, экономикалық құлдыраудың жалғасуына әкеледі», деді Гутериш Twitter-дегі парақшасында.
Бұған дейін БҰҰ Бас хатшысы Антониу Гутерриш адамзат коронавирус пандемиясынан сүрінбей өткенін айтқан болатын.