Қазақстанда ұлттық жоба аясында кинопрокаттағы отандық фильмдердің үлесін 2025 жылға қарай 25%-ға дейін арттыру жоспарлануда. Бұл туралы ҚР Ақпарат және қоғамдық даму министрі Аида Балаева мәлімдеді, деп хабарлайды Egemen.kz.
«Еліміздің шығармашылық әлеуетін тікелей қолдау арқылы отандық мәдени өнімдерді өндіру жүйесі құрылады, оның ішінде кинопрокаттағы отандық фильмдердің үлесін 25%-ға дейін арттыру, «Қазақанимация» шығармашылық бірлестігі базасында 40-қа жуық анимациялық фильм шығару, сондай-ақ, шығармашылық келешегі зор талантты тұлғалардың 150 жобасын қолдау», деді Аида Балаева ОКҚ-да өткен баспасөз конференциясында.
Сондай-ақ, министр «Е-culture.kz», бірыңғай электрондық платформа жобасы туралы айтты, ол отандық мәдениеттің барлық жетістіктеріне еркін режимде онлайн-қол жеткізуге мүмкіндік береді.
«Мысалы, жер шарының кез келген нүктесінен үйден шықпай, біздің мұражай мен театрларға, кітапханаларға және басқа да мәдени көрікті жерлерге баруға болады», деп атап өтті ведомство басшысы.