Өзбекстанда өткен президенттік сайлауда сағат 11:00-дегі жағдай бойынша сайлаушылардың 33%-дан астамы дауыс берді. Осыған сәйкес президенттік сайлау өтті деп танылды, деп хабарлайды Egemen.kz.
Бұл туралы Ташкентте өткен брифингте Өзбекстан Республикасының Орталық сайлау комиссиясы төрағасының орынбасары Бахром Кучкаров мәлім етті.
Комитеттің деректеріне сәйкес, сағат 11:00-дегі жағдай бойынша Өзбекстан президенті сайлауында дауыс беруге 6 669 552 азамат немесе халықтың 33,6%-ы келді. Тіркелген дауыс берушілер саны – 19 859 127.
Сайлау кодексіне сәйкес, сайлаушылардың кем дегенде 33%-ы дауыс берген жағдайда сайлау өтті деп танылады.
«Осылайша, президенттік сайлау аяқталды. Сайлау процесіне қатысқан барлық азаматтарды құттықтаймыз», деді Б. Кучкаров.
Еске сала кетсек, бүгін Өзбекстанда президенттік сайлау өтіп жатыр. Оған бес кандидат қатысуда. Кандидаттар қатарында елдің қазіргі президенті Шавкат Мирзиёев та бар. Жеңіске жету үшін сайлауға түсушілер 50%-дан жоғары дауыс жинауы керек.