Судан әскери шенеуніктерінің тобы дүйсенбі күні таңертең Премьер-министр Абдулла Хамдук пен елдің коалициялық үкіметінің серіктестерін қамауға алды, деп хабарлайды Egemen.kz.
Ұсталғандардың арасында премьер-министр Хамдук пен биліктегі «Бостандық пен өзгеріс альянсы» коалициясының жетекшілері бар.
Anadolu ақпарат агенттігінің хабарлауынша, биліктегі коалиция жетекшілері тұтқындалғаннан кейін Хартумның бірнеше ауданында наразылық шерулері басталып, демонстранттар дөңгелектерді өртеп, жолдарды жауып тастаған.
Елде интернет пен ұялы байланыс жұмысы нашарлаған.