Жуырда Ресейдің ұлттық кітапханасы өзінің 200 жылдық мерейтойын атап өтіп, өз оқырмандарына тарту есебінде кітапхана қорындағы ерекше құнды кітаптарды іріктеп, олар туралы мәліметті альбом түрінде жарыққа шығарды. Бұл жинақтың 180-бетінде 2012 жылы шыққан Түркі академиясының «Түркі дүниесі» альманағы да айырықша құнды әдебиеттер қатарына ілігіпті. Ресейлік таңдаулы альбомға енген қазақстандық ғылыми әдебиеттер ішінен Академияның бұл туындысынан өзге құнды кітап енбеген, деп хабарлады Түркі академиясының баспасөз қызметі.