Венгрияның Дебрецен қаласында шорт-тректен әлем кубогінің үшінші кезеңі өтіп жатыр. Іріктеу нәтижесі бойынша екі қазақстандық спортшы 500 метрге жарысудан ширек финалға жолдама алды, деп хабарлайды Egemen.kz ҰОК-ке сілтеме жасап.
Ширек финалда Денис Никиша мен Әділ Ғалиахметов сынға түседі. Олар іріктеу кезеңінде өз тобында екінші орын алып, келесі айналымға өтті.
Өкінішке қарай, команда үздігі Абзал Әжіғалиев ¼ кезеңге шыға алған жоқ.
Әлем кубогінің екінші жарыс күні Нұр-Сұлтан уақытымен 15:00-де басталады.