Таиландта жағажай волейболынан Азия чемпионаты өтіп жатыр. Үшінші орын үшін матчқа Қазақстанның ерлер командасы қатысады, деп хабарлайды Egemen.kz Olympic.kz-ке сілтеме жасап.
Дмитрий Яковлев пен Сергей Богату жартылай финалда Иранның қарсыластарымен кездесті. Иран спортшылары 2:0 есебімен жеңіске жетті.
Осылайша, Қазақстан үшінші орын үшін матчта өнер көрсетеді. Ол ертең, 27 қарашада Катар командасына қарсы өтеді.