«Қазгидромет» РМК синоптиктері еліміздің 8 өңірінде дауылды ескерту жариялады, деп хабарлайды Egemen.kz.
3 желтоқсанда Солтүстік Қазақстан облысының солтүстік-шығысында боран, көктайғақ күтіледі. Түнде және таңертең облыстың батысында тұман түседі. Оңтүстікте оңтүстік-батыстан,солтүстік-шығыстан жел соғады, екпіні 15-20 м/с жетеді. Оңтүстік-батыстан жел соғып, күндіз екпіні 15-20 м/с жетеді,
Ақтөбе облысының солтүстігінде тұман күтіледі.
Ал Ақмола облысының шығыс жартысында көктайғақ, бұрқасын болады деп болжануда. Облыстың батысында тұман түседі. Облыстың шығыс жартысында батыстан жел соғады, екпіні 15-20 м/с жетеді.
Көкшетауда таңертең және күндіз жел 15-20 м/с күшейеді,
3 желтоқсан күні Түркістан облысының батысында, солтүстігінде шаңды дауыл соқса, күндіз таулы аудандарда найзағай болады. Оңтүстік-батыстан, батыстан жел соғады, екпіні 15-20 м/с жетеді.
Ақтауда түнде және таңертең тұман түседі.
3-5 желтоқсанда Қызылорда облысының солтүстігінде тұман түседі.
3 желтоқсанда Батыс Қазақстан облысының солтүстік-батысында, солтүстік-шығысында тұман түсіп, көктайғақ болады.
Орал қаласында көктайғақ күтіледі. Түнде және таңертең тұман түседі.