Биыл сәуір айының соңына қарай жерді алдын ала қашықтықтан тексеретін еліміздің алғашқы жер серігі ұшырылады. Бұл туралы «Қазақстан» телеарнасы хабарлады.
Осы жылы Байқоңыр ғарыш айлағынан «Қазсат-3» байланыс спутнигін ұшыру көзделген. Үшінші телекоммуникациялық «Қазсат» сериясының ғарыш аппараты «Протон-М» зымыран тасығышы арқылы ресейлік «Луч5В» жер серігінің тобымен ұшырылатын болды.Сондай-ақ, алғашқы жартыжылдықта «Қазғарыш» жерді алдын ала қашықтықтан тексеретін спутникті ұшыруды жоспарлады. Бұл аппарат «EADS Astrium» концернімен жасалған. Ол «Ясный» ғарыш айлағынан «Днепр» зымыран тасығышымен ұшырылады.
Қазіргі кезде жоғары дәлдігі бар спутниктік навигацияның ұлттық жүйесі іске қосылды. Соның негізінде бірқатар жобаларды қолданысқа енгізудің сәті түсті . Мұнан өзге, жерді алдын ала қашықтықтан тексеретін және ғылыми-техникалық бағыттағы спутниктерді құру бойынша ірі жобалар жүзеге асуда.
Әмірхан Алмағанбетов.
Дереккөз: «Қазақстан» телеарнасы.
Фото: Namonitore.ru.