Алматы комендатурасында қаладағы жағдай бойынша ақпарат жаңарды, деп хабарлайды Egemen.kz.
Алматы қаласы комендатурасының ақпарат орталығының мәліметінше, келесі аймақтар қылмыскерлерден тазартылды:
Сайн - Райымбек - Карьерная - Жандосов көшелерінің аумағы, Абай - Достық - Әл-Фараби - Желтоқсан көшелерінің аумағы.
Әуезов, Алатау және Медеу аудандарын тазарту жұмыстары жалғасып жатыр. Лаңкестік, тонау және басқа да қылмыстардың 508 қатысушысы ұсталды. 22 бірлік атыс қаруы мен 1 мың 412 оқ-дәрі тәркіленді. Блокбекеттерде 56 адам, 9 көлік ұсталды.
«102» басқару пультіне 1 021 хабарлама келіп түскен. Комендатураның call-орталығына азаматтардан жедел әрекет етуді талап ететін 525-і дабыл түсті.