Полковник Марат Ирменов ҰҚК-ның Алматы қаласы бойынша департаментінің басшысы болып тағайындалды, деп хабарлайды Egemen.kz.
ҰҚК баспасөз қызметі Марат Ирменов тағайындалғанын растады. Бұған дейін 2020 жылдың ақпанынан бастап Қордай ауданындағы тәртіпсіздіктерден кейін ҰҚК-ның Жамбыл облысы бойынша департаментінің басшысы қызметін атқарған.
2016-2020 жылдары ҰҚК-ның Ақтөбе облысы бойынша департаментінің басшысы болды. Бұған дейін Ирменов Алматы қаласы бойынша ҰҚК бастығының бірінші орынбасары қызметін атқарған.