ІІМ Әкімшілік полиция комитеті басқармасы бастығының орынбасары Дәурен Қозыбақов «Құқықтық тәртіп» жедел алдын алу іс-шарасы аясында ашылған қылмыстар жөнінде баяндап берді, деп жазады Egemen.kz.
«Еліміздің барлық өңірлерінде «Құқықтық тәртіп» жедел алдын алу іс-шарасы өтуде. Оның мақсаты - жедел жағдайды сауықтыру, заңдылық пен құқықтық тәртіпті қамтамасыз ету бойынша шаралар қабылдау, сондай-ақ төтенше жағдайдың салдарын жою», деді Дәурен Қозыбақов.
Оның айтуынша, іс-шараны өткізу кезеңінде 13 мыңнан астам қылмыс тіркелген.
Ол қылмыстардың ең көп саны Шығыс Қазақстан облысында, Алматы, Қарағанды, Солтүстік Қазақстан облыстарында және Шымкент қаласында жасалғанын айтты. 8 мыңға жуық қылмыс «ізін суытпай» ашылған.
Мысалы, Жамбыл облысында 1995 жылы туған күдікті үш адамды өлтіргені үшін ұсталса, Қызылорда облысында екі жас жігітке пышақ жарақатын салған 2005 жылы туған азамат ұсталды.
Сондай-ақ ІІМ хабарлағандай, бұрын жасалған 2 мыңнан астам қылмыс, оның ішінде ауыр және аса ауыр қылмыстардың беті ашылды. Іздеуде жүрген 327 қылмыскер ұсталды.
«Таразда 2017 жылы Шымкент қаласында көшеде атыс қаруын қолдана отырып, кәмелетке толмаған баланы өлтіруге қатысушы ретінде халықаралық іздеуде жүрген күдікті ұсталды. Алматы облысында халықаралық іздеуде жүрген қылмыскер ұсталды, ол 2020 жылғы 7 ақпанда Қордай ауданының Масанчи ауылында аңшылық мылтықпен төрт адамды өлтірді. 12 калибрлі МР-27ем-1С аңшылық мылтығы тәркіленді. Краснодар өлкесінде қаржы пирамидасын құру және оны басқарғаны үшін халықаралық іздеуде болған, 1990 жылы туған, «Центр Финанс» ЖШС филиалының бұрынғы директоры, 2018-2020 жылдар аралығында Ақтөбе қаласында аса ірі мөлшерде азаматтардың ақшалай қаражатын тартудан табыс алу бойынша қылмыстық іс-әрекетті ұйымдастырған», деп түсіндірді Дәурен Қозыбақов.
Сондай-ақ оның айтуынша, Ресей Федерациясының Краснодар қаласында мемлекетаралық іздеуде жүрген қылмыскер ұсталды, ол 2015 жылдан 2016 жылға дейін Ресей аумағында ұрланған көліктерді сату бойынша ҰҚТ басқарды.
Брифингте сондай-ақ Түркістан облысында 2017 жылғы 15 қаңтарда Түлкібас ауданында 110 мың теңге сомасындағы ақшасы бар сейфті иелене отырып, Sila Oil ЖМҚС-на қарақшылық шабуыл жасаған екі қылмыскер ұсталғанын хабарлады. Тұрғылықты жері бойынша және автокөлік салонында ұсталған кезде есірткі табылды және тәркіленді және 16 калибрлі аңшылық мылтықтың кесілген нөмірі бар.