«QazaqGaz» ҰК» АҚ директорлар кеңесінің құрамы өзгерді, деп хабарлайды Egemen.kz Ұлттық компанияның баспасөз қызметіне сілтеме жасап.
«Әділбек Жақсыбеков, Қайрат Шәріпбаев және Мәлік Сәулебайдың өкілеттігі мерзімінен бұрын тоқтатылды», делінген хабарламада.
Ернат Бердіғұлов «QazaqGaz» директорлар кеңесінің төрағасы болды.
Енгізілген өзгерістерге сәйкес, директорлар кеңесі төрт адамнан тұрады: Ернат Бердіғұлов, Юрий Казутин, Айрат Нұрғазиев және Серік Жаманбалин.
Еске сала кетейік, «ҚазТрансГаз» ұлттық компаниясы былтыр QazaqGaz болып өзгертілген болатын.