ҚР Президенті Қасым-Жомарт Тоқаев сайлау кезеңінде айтылған уәделердің орындалуын қадағалау керектігін айтты, деп хабарлайды Egemen.kz.
«Бірінші кезекте электоралды кезеңде айтылған уәделерді орындау керек. Тағы бір нәрсе, партия популизммен айналыспауы керек және мүмкін емес нәрсеге уәде бермеу керек. Адамдардың партияға деген сенімсіздігі уәделердің орындалмауынан туындап отыр. Мұның бәрі - адамдардың әлеуметтік әл-ауқатына және ішкі саяси тұрақтылыққа тікелей әсер ететін әрекет. Мұндай жағдай, әсіресе геосаяси тұрақсыздық жағдайында, біз үшін мүлдем қолайсыз», деді Қасым-Жомарт Тоқаев.