Зарина Дияс АҚШ-тың Майами қаласында өткен WTA турнирінің іріктеу сынынан сүрінбей өтіп, әлемнің үздік теннисшілерінің қатарына қосылды. Бұл туралы Қазақстан теннис федерациясы хабарлады.
Осы сында негізгі кезеңге өткен Зарина Бүкіләлемдік теннис федерациясының рейтингісі бойынша 105-орыннан 91-орынға көтерілді. Ал Ярослава Шведова 58-орыннан 55-орынға жоғарылады. Галина Воскобоева болса бір саты төмендеді. Қазір ол 64 орында тұр. Алғашқы үштікке Серена Уильямс (АҚШ), Ли На (Қытай), Агнешка Радванска (Польша) орналасты.
Зарина Диястың ойын өрнегіне қарап, оның шеберлігі шыңдалып келе жатқанын аңғарамыз. Мұны біз тиянақты жаттығудың жемісі деп білеміз.
Дастан Кенжалин.
Дереккөз: www.ktf.kz
Фото: www.ktf.kz