Қарағанды облысында екі баланы ит қауып кетті. Оқиға салдарынан бір бала көз жұмды, деп хабарлайды Egemen.kz.
Кеше, 1 сәуір күні сағат 19:00 шамасында Қарағанды облысы, Ақтоғай аудандық полиция бөліміне Ақтоғай ауылында екі баланы ит қапқаны туралы хабарлама келіп түсті.
Полиция қызметкерлері 3 және 5 жас аралығындағы екі баланы өздерінің үйінің ауласында ойнап жүргенде бос жүрген ит қауып алғаны анықталды.
«Балалар ауруханаға жеткізілді, бірақ 3 жастағы бала алған дене жарақаттарынан көз жұмды. Екінші бала ауруханаға жатқызылды. Аталған факт бойынша Ақтоғай аудандық Полиция бөлімі тергеу жүргізуді бастады», делінген ПД баспасөз қызметінің хабарламасында.