Денсаулық сақтау министрі Ажар Ғиният адамдар көп жиналатын жерлерде маска тағуға кеңес берді, деп хабарлайды Egemen.kz coronavirus2020.kz сайтына сілтеме жасап.
«Қазір Қытайда «омикронмен» науқастану көлемі артып жатқанын білесіздер. Бірқатар Еуропа елдерінде сырқаттану деңгейі өсіп отыр. Сондықтан елдегі жағдай тұрақты болғанына қарамастан, шекара маңайында шектеулер сол күйінде қалып отыр. ПТР-тест қорытындысынсыз, вакцинация паспортынсыз тек өз азаматтарымыз ғана емес, шетелдіктер де ел аумағына кіре алмайды», деді Денсаулық сақтау министрі.