Павлодарда мектептегі өрт салдарынан 479 адам эвакуацияланып, оның бесеуі ауруханаға жатқызылды. Өрттің шығу себептері анықталып жатыр, деп хабарлайды Egemen.kz.
Павлодар облысының Төтенше жағдайлар департаментінің мәлімдеуінше, 15 сәуір күні сағат 11.00-де Малайсары батыр көшесінің бойында орналасқан № 1 орта мектептің үшінші қабатындағы кітап қоймасы өртенген.
15 шаршы метр аумақ (жиһаз, кітаптар жану) өртке оранған. Өрт сөндіру бөлімі келгенге дейін 479 адам эвакуацияланды, оның ішінде 414-і бала. Сағат 11:41-де өрт сөндірілген.
Бес оқушыны жедел жәрдеммен ауруханаға жеткізілді.
Өрттің неден шыққаны анықталып жатыр.
Өрт сөндіру орнында Төтенше жағдайлар департаментінің 35 қызметкері жұмыс істеп, тоғыз техника жұмылдырылды.