Денсаулық сақтау министрлігі Медициналық және фармацевтикалық бақылау комитеті төрағасының орынбасары Лаура Ахметниязова Қазақстандағы науқастарды қолдау қызметінің жұмысы туралы айтты, деп хабарлайды Egemen.kz.
Маман мұндай пациенттерді қолдау қызметтерінің елімізде 10 жылдан астам жұмыс істеп келе жатқанын атап өтті. Олардың міндеті барлық мәселелерді немесе мүмкін болатын жанжалды жағдайларды туындаған жерде шешу болып табылады.
«Соңғы бір жылда 4 мыңнан астам өтініш қаралды. 2020 жылы шамамен бірдей деңгейде. Өтініштердің негізділігі 30% құрайды. Өкінішке қарай, ең көп үлесті сапасыз медициналық көмекке өтініштер алады – 70%», деді Лаура Ахметниязова.
Оның айтуынша, қор пациенттерді қолдау қызметінің тиімділігіне баса назар аударып, саясат сыртқы бақылауды барынша азайтуға бағытталған. Өйткені медициналық ұйымның бірінші міндеті медициналық көмектің сапасын арттыруға бағытталуы тиіс.