Ел Конституциясына енгізілетін өзгерістерге байланысты сенаторлар өз пікірін ортаға салды деп жазады Egemen.kz Сенаттың баспасөз қызметіне сілтеме жасап.
Сенат депутаты Владимир Волков референдумды Тәуелсіздік тарихындағы елімізде жүргізіліп жатқан өзгерістердің жаңа кезеңі және «халық үніне құлақ асатын мемлекет» қағидасының нақты көрінісі деп біледі.
«Конституцияға енгізілетін өзгерістерде демократиялық қайта құруға деген адалдықты көрсететін маңызды саяси реформалар бар екенін атап өткен жөн. Шын мәнінде жаңа өзгерістер мемлекеттіліктің жаңа үлгісі – жаңа Қазақстанды дамытуға серпін береді және Қазақстан азаматтары республикалық референдумда маңызды шешім қабылдайтын болады», дейді депутат Владимир Волков.
Сенатор Ольга Булавкина қазіргі кезде Қазақстанда болып жатқан реформалар елеулі саяси трансформацияны талап ететінін атап өтті.
«Қазақстандық қоғамының қуаттылығы, оның принципті ұстанымдары қаңтар оқиғасынан кейін бастау алған Қазақстанның жаңа тарихи кезеңінің көрінісі болады. Азаматтардың еркін білдіруіне негізделген жалпыхалықтық референдум – ел Президенті жүргізіп отырған саяси қайта құрудың айтулы жетістіктерінің бірі, қоғамды демократияландыруды нығайтуға бағытталған қадамдар реттілігінің көрінісі», деді сенатор Ольга Булавкина.