Қарағанды облыстық Полиция департаментінің бастығы Ерлан Файзуллин Мемлекет басшысының «Жоғары әскери және арнайы атақтар, сыныптық шендер және біліктілік сыныптарын беру туралы» Жарлығы бойынша генерал-майор шенін алды, деп жазады Egemen.kz.
Ерлан Жұмасейітұлы Файзуллин Қарағанды облысы бойынша Полиция департаментіндегі қызметін басшының бірінші орынбасары болып 2018 жылдан бастаған. Ал 2019 жылдың мамыр айынан бері ол Қарағанды облыстық Полиция департаментін басқарып келеді.
Салтанатты рәсімге қатысушыларды Отан қорғаушы күнімен және Жеңіс мейрамымен құттықтаған Президент Қасым-Жомарт Тоқаев еліміздің қауіпсіздігін қамтамасыз ету ісінде әскери қызметшілер мен арнаулы мемлекеттік органдар қызметкерлерінің қосып жүрген үлестерінің мол екендігін ерекше атап өтті.