Қазақстан Республикасы Президентінің «Қазақстан Республикасының мемлекеттiк қызметшiлерiн даярлау, қайта даярлау және олардың бiлiктiлiгiн арттыру қағидаларын бекіту туралы» №1457 Жарлығына сәйкес Мемлекеттік қызмет істері агенттігі төрағасының бұйрығымен мемлекеттік қызметшілерді даярлау, қайта даярлау және олардың біліктілігін арттыруды ұйымдастыруды жетілдіру бойынша үйлестіру кеңесі құрылды.
Кеңес құрамына агенттіктің, мемлекеттік басқару академиясының өкілдері, мемлекеттік органдардың жауапты хатшылары, облыс, қалалар және аудандар әкімдері аппараттарының жетекшілері, өңірлік оқыту орталықтарының директорлары енді.
Кеңестің бірінші отырысы биылғы 10 сәуір күні болып өтті. Жаңа құрылымның негізгі міндеті мемлекеттік қызметшілерді оқыту мәселелері бойынша заңнамаларды жүзеге асыру тетіктерін құру және жетілдіруге бағытталған келісілген ұсыныстар әзірлеу, мемлекеттік қызметшілерді оқыту мәселелері бойынша мемлекеттік органдардың, білім беру ұйымдарының өзара әрекеттері мен әріптестіктерін үйлестіру болып табылады.
Агенттік төрағасының орынбасары Ә.Көмекбаев төрағалық еткен отырыста мемлекеттік қызметшілерді орталық және өңірлік деңгейде оқыту мәселесі жан-жақты қарастырылды.
Үйлестіру кеңесі отырысының нәтижесі бойынша тиісті ұсынымдар қабылданды.
Сәкен МАЙЛЫБАЙ.