Жазғы демалыс маусымында жолаушылар тасымалына сұраныстың артуына байланысты «Жолаушылар тасымалы» акционерлік қоғамы 2014 жылғы 3 маусымнан бастап жазғы маусымға №483/484 «Астана-Адлер» халықаралық жолаушылар пойызын жіберуді жоспарлап отыр.
Аталмыш пойыз жазғы маусымда аптасына екі мәрте, Астанадан сейсенбі мен сенбі күндері 3 маусым мен 30 тамыз аралығында аттанып, Адлерге жұма-сейсенбі күндері 6 маусым мен 2 қыркүйек аралығында келеді. Адлерден сенбі және сәрсенбі күндері 7 маусым мен 3 қыркүйек аралығында жүріп, Астанаға сейсенбі мен сенбі күндері 10 маусым мен 6 қыркүйек аралығында келеді.
Құрамда ауысымсыз «Қостанай-Адлер», «Павлодар-Адлер» және «Қарағанды-Адлер» вагондары да бар.
«Егемен-ақпарат».