Астана қаласында 26-29 мамыр аралығында Қазақстан Республикасы Қорғаныс министрлігінің ұйымдастыруымен “KADEX-2010” (“Kazakhstan Defense Exposіtіon”) бірінші халықаралық қару-жарақ және әскери техникалық мүлік көрмесі өткізіледі. Ол: “Қару-жарақ”, “Тыл мүлкі, медицина”, “Құрылыс және инфрақұрылым”, “ІT технология” сияқты 4 бағытта ұйымдастырылады.
28-29 мамыр күндері көрмеге келем деушілерге есік ашық. Осы күндері сағат 12.00-13.00 аралығында көрмеге қатысушылар мен оны тамашалаушы қонақтар үшін Әуе қорғанысы күштерінің ұшу топтары, құрметті қарауыл ротасы өнер көрсететін болады. Қазақстандық бронды техникалардың жоғары техникалық мүмкіндіктері де көпшілік назарына ұсынылады.