Еуразиялық экономикалық одақ Азия мен Таяу Шығыс нарықтарын қамти отырып белсенді сауда саясатын жүргізуі керек. Бұл туралы Петербург халықаралық экономикалық форумының пленарлық отырысына Қазақстан Президенті Қасым-Жомарт Тоқаев мәлім етті, деп хабарлайды Egemen.kz.
«Менің ойымша, жаңа жағдайды ескере отырып, ЕАЭО аясында жаңа сауда стратегиясын әзірлеумен айналысу қисынды әрі пайдалы болар еді», деп тоқталды Қасым-Жомарт Тоқаев.
Мемлекет басшысының пайымынша, Азия, Таяу Шығыс нарықтарын кеңінен қамти отырып, белсенді әрі тиімді сауда саясатын жүргізу керек.
Осы орайда Қазақстан «буферлі нарық» іспетті пайдалы рөлін таныта алады.
Қасым-Жомарт Тоқаев Еуразиялық интеграцияның нақты жетістігі маңызды түрде ортақ сауда стратегиясының тиімділігіне байланысты екенін атап өтті.