Еліміздің оңтүстік және оңтүстік-шығысындағы метеорологиялық жағдайлар, биыл астықтың бітік шығуына қолайлы болды. Бұл туралы Қазгидрометтің болжамында айтылған, деп хабарлайды Egemen.kz.
«Алматы, Жамбыл және Түркістан облыстарында күздік бидайдың өнімділігі негізінен орташа көп жылдық мәндерге жуық болады деп болжанады. Жамбыл облысының Рысқұлов, Шу және Сарысу аудандарында, сондай-ақ Түркістан облысының Сарыағаш ауданында күздік бидайдың өнімділігі орташа көпжылдық мәннен жоғары болмақ», делінген хабарламада.